చెట్టు + చిరునవ్వు = చీమ

ప్రాణేశ్వరీ!  (Heavyగా ఉందా, తప్పలేదు, feeling అలాంటిది మరి)
"భరించరాని ఈ విరహాగ్ని కన్నా, ఆ పాపాగ్నే మాకు సమ్మతము" అనెప్పుడో SVR గారు అంటుంటే ఏమో అనుకున్నా, కష్టమే సుమా!!
మెడని వీలైనంతా వెనక్కి సాచి,కళ్లుమూసుకుని  ఆకాశం వంక చూస్తూ, పిడికిళ్లు బిగించిన రెక్కలు రెండూ విరిగిపోతాయెమో అనేంతగా విరుచుకుని, గుండెంతా నిండిన విరహాన్ని ఒక్క నిట్టూర్పుతో విశ్వంలోకి విసిరేస్తూ.....బానే ఉంది ఓ క్షణం.
కానీ, మరుక్షణం నిండిపోతావే, మదినిండా! కాస్తంత కనికరమైనా లేదు, కన్యకా నీకు!!
నీటి కొంగని చేప మింగడమంటే ఇదేగదా!
చెట్టంత మగాన్ని, చీమని నలిపేసినట్టు నలిపేశావే, చిరునవ్వు ఖర్చుతో....!!  
నా చాతిని తవ్వి, గుండె ని తీసి గంతులేయిస్తున్నట్లుంది నాముందే (Gulmoharరోడ్డు లో),
మరీ అన్నిసార్లు కనిపించకు Please, చూస్తూ సచ్చిపోతానేమో...!