విరహం

మనసు ప్రసవ వేదనతో జన్మనిచ్చిన విరహ వాక్యాలు......

ఏ వేల్పు కి వివరించను ఇంతైన నా విరహాన్ని...?

నీ ప్రియరాగాలు లేని నా జీవన సంగీతానికిక సంస్కారాలు సలుపనా...?

నీ ప్రతిష్ఠ కాని నా ప్రణయాళయాన్నిక పెకలింతునా...?

నీ పరవశాలనొడిసి పట్టుకోలేని నా మనోఫలకాన్ని వ్రయ్యలు సేతునా...?

నా నెచ్చెలి చెలిమి చాయలో మసలి, మసి చేయదలచిన వైరి వరుసలనేమి సేతును...?

నీ అధర మధురాక్షరాల గ్రోల లవలేశ భాగ్యమైనా లేని మత్ కర్ణపటములకెంతటి ఖర్మము..?

కాకేమి....?

నా ఏ గత కృతము నన్నీగతి గురి చేసెనో కదా..!