నాకివేమీ వద్దు

నాకీ స్పర్శలూ, ముద్దులూ, ఏ...వీ వద్దు. మాటలైతే మరింకొద్దు.
ఒకేసారి హత్తుకోవాలి; గాలికి కూడా చోటులేనంత, మనసులు మాటాడుకునేంత, ఇవేం సరిపోవు.
ఎంతంటే, నువ్వు నాలోకి వెళ్ళిపోయేంత. కాదు, నేనే నువ్వయ్యేంత;
ఇక అంతటితో నువ్వు-నేను అని రెండు లేవు,  అసలు నువ్వు కాని నేను వద్దు నాకు; నన్ను మొత్తం తీసేసుకొని నువ్వైపోవా, please.
ఎముకలు విరుచుకుంటూ, మాంసం చీల్చుకుంటూ నీలోకి వచ్చేస్తాను; నువ్వైపోతాను.
తీగలకే, పెనవేసుకోవడం నేర్పుదాం; ఊహుం, సరిపోదు; అనంతానికే ఐక్యం అవ్వడం నేర్పుదాం.