మనో సాంత్వనము

 తనని మోసే మాటలు పుట్టక
మౌనంగా కూలబడింది మనసొక మూలగా...!
-----------------------------------------------------------------------
రాయవలెనుగానీ, ఇదిగూడ నొక రాధికా సాంత్వనమే.

మనో పరిమళాన్ని మానవోత్తమునికి ముట్టజెబుదామనుకుంటిమి, మాటల మాలగా,
ఏదీ పలకదే, పదఝరి పారదే, ప్రభువుని చేరదే;

స్వామి సంకేతమేమైన చిక్కెనా, సుర నర లోకముల మధ్యన,
దేవేరి మంజుల మంజీరజముల బడి, నా మొర వినగలేదో,
వినిగూడ ఊరకనుండినాడో, లేక విసిగినాడో ;
-----------------------------------------------------------------------

వలదు, వలదు
వరములెవరడిగిరి నిను, వాక్కులు గాని; కనకములెవరడిగిరి నీ కృతులుగాని.

తపనలకేం లే, చాలా తేలిక.....!

నువంత easyగా నవ్వవని తెలిశాక, నిన్ను నవ్వించాలనే..... నాతపన.
నిన్న నువు రాకపొతే, ఎందుకు రాలేదని అడుగుదామని,
          నిన్నంతా నిన్నే తలచుకున్నానని చెప్పాలని, నాతపన.
ఎదో వంకతో నిన్ను చూడాలని,
          ఆ నా ప్రయత్నాలలో ఎదోసారి నీకు దొరికిపోవాలని, నాతపన.
ప్రతి రోజు నువు తొందరగా రావాలని, రాగానే నన్ను చూసి కళ్లతోనే కొంటెగా నవ్వాలని, నాతపన.
మెట్లమీద ఒక్కసారైనా ఎదురవ్వాలని,
          కలిసొక్కసారైనా కాఫీ తాగాలని, నాతపన.

నాకు తెలీకుండానే వింటున్నావని నువు అనుకునేలా, నేనో విరహగీతం hum చెయ్యాలని,
         తరువాతెప్పుడో, lunch చేస్తూ "నువు వినాలనే పాడా"నని ఒప్పుకోవాలని, నాతపన.

జంకుతూనైనా, "జుట్టు జడవేసుకున్నపుడు బావుంటా"వని చెబుదామని, నాతపన.

ఇదంతా, కేవలం నువ్వు వినేలా చెప్పాలని,
                 కానీ అం...దరూ చదివేలా రాయాలని, నాతపన.

Mi Ti Amo...!

నీ అరచేతులు అద్దెకిస్తావా?
కాసేపు నా కొనవేళ్లు దాచుకుంటాను.
---------------------------------------------------
మరికాసేపు మెదలకుండా కూచుంటావా?
మదినిండా నీ మౌనం నింపుకుంటాను.
----------------------------------------------------------------
పోనీ పెళ్లి చేసుంటావా?
ప్రాణం పెనవేసుకుంటాను.

Simple and Charming-3

అంతందమేంటే,
అద్దూపద్దూ లేకుండా, అబ్బాయిలంటే జాలీ దయా లేకుండా.
అంతేనా? అంతకన్నా  ఎక్కువ,
అలవిమాలిన ఆభిజాత్యం,మరి ఆరాల్తీకుండా ఎలా ఉంటాం?
అక్కడితో ఆగితేనా,
అడవిపూల అమాయకత్వం, ఆటికి Unileverలు, P&Gలు అవసరం లేదు గదా!
అసలే, ఆర్డినరి అమ్మాయిల్ని, అంతరించిపోతున్న అరుదైన జాతుల్లో చేర్చేశారు.(అనైక్య అబ్బాయిల సమితి వారు.)
అటువంటి సమయంలో, మొన్నామధ్య మన పూరి గారిని కలిసి అవేర్నెస్ కల్పించమని శ్వేతపత్రం సమర్పిస్తే, నిన్న మన Power Star గారితో పలికించారు, అది వేరె విషయం.
అయినా, కృష్ణ శాస్త్రి కవిత్వానికి కాసులపేరెందుకు?  ఖర్చుదండగ కాకపోతే..!
అదే కారణంచేత, నువు కేవలం కాశీతాడు కటుకొచ్చినా, చూసిన నా కళ్లు సల్లబడుతున్నాయి.

అండర్ వాటర్ ఆక్సిజన్ ఎలాగో, అస్తమానం నువు నాకలాగ.
అర్థం జేసుకోవు,
అయినా బాధలేదు, అదో Optimism. 

Man Vs. Himself : Being a Man

"రాగ రాహిత్యం" అని మనసు రోదించి నపుడల్లా,
కాదు కాదు, కేవలం "మోహపు Manifestation" అని మెదడు మొత్తుకుంటూనే ఉంది.
అదేంటో, ఎప్పుడూ ఏదీ గెలిచినట్లు అనిపించదు.

<ఒకానొకప్పుడు>
మనసు: ప్రపంచం మొత్తం జయించి తన పాదాల నలంకరించాలనుంది.
మెదడు: Just to feel the smoothness of her skin?
<------------->

----:   Isn't that being a Man ?

Simple and Charming-2

(ఈసారి కొద్దిగా Seriousగా)
మరీ మిగిలిన ప్రపంచం మొత్తం పట్టించుకోకూడదంటే ఎలాగరా?
ఎటేపు తిరిగినా తనేనంట,
తనెళ్లే timeకి నేను start అవ్వాలంట,
ఎప్పుడు ఏదార్లో వెళ్తుందో గుర్తుంచుకోవాలంట,
తనెప్పుడు చెప్పిందో..., నేనెలా విన్నానో..., అన్నీ అచ్చం అలానే జరిగిపోతున్నాయ్ రా.
బాబోయ్, నేను నామాటే వినకుండా చేసేసింది.
మనలో మన మాట, మానాన్న మాట కూడా ఇలా వినిపించుకుంది లేదు.ఇది మరీ దారుణం.
అదో నడిసే నయాగరా సిన్నా, తడిపేసేలోపు ముంచేసిద్ది, మరింకేం మిగలం, మనకిమనం.
Suddenగా Newton గుర్తొచ్చాడు, వీడి 3వ మాటని భయంకరమైన Rocket లైనా వింటాయ్ గానీ,అందమైన అమ్మయిలు మాత్రం అస్సలు ఆలకించవు.
పొగురు, బలుపు, కొవ్వు, బిరుసు, ఇంకేదైనా. కాకపొతే ఏంట్రా, ఇక్కడింత contaminationతో కొట్టుమిట్టాడుతోంటే కొద్దిక్కూడా reactionలేదు.
పైగా hi చెబితే "optimization class మీకు అర్థమౌతోందా?" అనడుగుతుంది. అవదు, దీనికి మన బాధ అస్సలు అర్థమవదు.
అవయవాల అమరిక అద్భుతంగా కాకపోయినా, అందంగానే ఏడ్చింది గదా(అదిన్నూ ,అందరికి అర్థమయ్యే అందం కూడా కాదుగదా, అదో Esoteric Aesthetics), లోపల Hormoneలే సరిగ్గున్నట్లు లేవు దీనికి.  
తెలీట్లా దానికి...., ఒక్కసారి సరిగ్గా నాకళ్లలోకి తొంగిచూస్తే, తెలిసొచ్చి తరిస్తుంది బుజ్జిముండ.
పోనీ భగవంతున్నేమన్నా బతిమాలుకుందామా అంటే, లోక కళ్యాణం కోసమే....కోరుకోమంటాడాయన,
మా కళ్యాణనికే దిక్కులేదు, తొక్కలోది లోకకళ్యాణం ఎవడిక్కావాలి?
(సశేషం).

పాపం, పుణ్యం ఏమీ కాను.

పా....పం నేను,  ఎవరి పుణ్యమూ కాను,
పర్లేదు నేను,  ఎవరి పాపమూ కాను.