కలగన్నానుగానీ....!

రాధ లాంటి రాగబంధమౌతావని కలగన్నానుగానీ,

ఇలా బాధ మిగుల్చు వాస్తవానివౌతావను కోలేదు;

నీ ప్రేమ చినుకులకు పల్లవించు కొత్త జన్మనౌతానను కున్నానుగానీ,

అవిలేక ఇలా మోడువారుతానను కోలేదు;

ప్రతిదినం నీ పరిష్వంగాన పసిపాప నౌదామనుకున్నానుగానీ,

ఇలా పరితపిస్తానను కోలేదు;

అనుక్షణం నీ అనురాగా న్నాస్వాదిస్తాననుకున్నాను గానీ,

ఇలా అలమటిస్తానను కోలేదు;

మనోవేదికపై నా అభిమానార్చనల నిన్నలరిస్తానని కలగన్నానుగానీ,

ఇలా మౌనంగా రోదిస్తానని కాదు...!