నే వగస్తున్నాను...!

నీ చిరునవ్వు వెన్నెల్లో సేదతీరలేనందుకు చింతిస్తున్నాను,
నీ కొరచూపు చురుక్కు నను తాకనందుకు చింతిస్తున్నాను,
నీ వగలమారి వాల్జడ నాపై విసరనందుకు,
నీ వాలు చూపు వాడి నన్ను కోయనందుకూ వగస్తున్నాను.
నీ పెదవుల పదఝరిలో నే లేనందుకు,
నీ పూరేకు పాదాలకు పారాణి పెట్టలేనందుకు,
నీ నిశ్వాసల వేడిమి నను తడమనందుకు,
నీ కౌగిట వలపు వానలో తడవనందుకు,
నీ సొగసుల సిరి ( అరవిరిసిన అందాల విరి) నను వరించనందుకు

నే వగస్తున్నాను...!